Kisha Katolike e Greqisë është përfshirë në një skandal të madh.
Autoritetet e vendit fqinj kanë nisur një hetim, pasi dy priftërinj të lartë në hierarkinë e Kishës kanë përvetësuar një shumë prej 3 milionë euro, duke i investuar ato në disa lokale nate.
Pas kësaj, Presidenti i Autoritetit Kundër Pastrimit të Parave ka proceduar me ngrirjen e llogarive bankare dhe pasurive të pesë pronarëve të klubeve të natës, pasi më parë ka përcjellë gjetjet e tij në organin kompetent të akuzës.
Sipas mediave greke, ky hetim e ka zanafillën tetë vite më parë, kur u zbuluan shuma të mëdha parash që dilnin nga llogari të caktuara nga dy priftërinjtë dhe përfundonin në llogaritë e pronarëve të disa klubeve të natës dhe shfaqeshin si investime në ato biznese.
Institucionet ligjzbatuese në Greqi u vunë në lëvizjes pas alarmit që ngriti banka për lëvizje të shumave të mëdha.
Autoriteti Kundër Pastrimit të Parave konstatoi se shuma prej 3 milionë eurosh ishte përvetësuar nga fondet e Kishës Katolike dhe të gjitha hetimet i çuan tek dy priftërinjtë dhe disa biznesmenëve të lokaleve të natës.